විජය සැමරුම සමඟ ලාකේය වත්මන් තත්වය ගැන මගේ මතය...


අද එනම් පෙබරවාරි 16 වෙනිදාට ජනතා විමුක්ති පෙරමුණ හෙවත් එකල දේශප්‍රේමි ජනතා ව්‍යාපරය විසින් වෙඩි පහරකින් නිහඬ කර විසි එක්වෙනි වසරක් සැපිරෙයි. ඔහු සමඟ මි‍යැදුණු අය අතරින් මාගේ පියාගේ ඥාතියෙකුද සිටි. විජයට මා ගෞරව කරන්නේ ඒ නිසා නොව ඔහු මිනිසුන්ට ඇත්තටම ආදරය කළ මිනිසෙකු වන නිසාය. මෙහිදී 'ඇත්තටම' යන අර්ථාදියෙන්ම ඔහු තමාට මිනිස්සු ආදරය කරනු ආශාවෙන් විදි කෙනෙකි. ඒ ආකාරයෙන්ම ඔහු පෙරලා මිනිසුන්ට ආදරය ක
අතර සිංහළ හා ද්‍රවිඩ ජනයා පසමිතුරු කොණයකින් එකිනෙකා දෙස බලන කාලයක ඔහුට ද්‍රවිඩ ජනයාගෙන් බහුතරයක්ගේ භක්ති්‍යාදරය අවංකවම දිනා ගත හැකිවිය. මන්ද විජය තම වර්ගයාට අවංකම ලෙන්ගතු මිනිසෙකු වග ඔවුන් විශ්වාස කල බැවිනි. ඔහු එය අත්පත් කර ගත්තේ සරළ වු අවංක වු සිතුවිල්ලක් තුලිනි. එකළ (දැනුත් යම් දුරට තිබෙන) සිංහළ මානසිකත්වය තුළ සිංහළයා පමණක් 'අප' වෙද්දි දෙමළා යනු 'උන්' නොහොත් 'අනෙකා' වනවිට ඔහු දෙමළාද අපේම එකෙකු ලෙස අවංකම සිතු අතරම එය ප්‍රසිද්ධියේ කථා කළ අතර ඒ අනුවද ක්‍රියා කිරිමට පසුබට නොවුහ. ඔහුගේ මරණයට හේතුසාධක වුයේ මෙයයි. "ඊළමවාදී හුරතලාට ජනතාවගෙන් දඩුවම්" යනුවෙන් මිනීමැරු ඊනියා දේශප්‍රේමියෝ හේතු පාඨ ඉදිරිපත් කළහ. (ඊනියා දේශප්‍රේමියෝ - මා ඒ ලෙස කියන්නේද හේතුන් හා අත්දැකිම් නිසාය, ඔවුන්ගෙන් අපේ දේශයට සිදුවු මෙහෙයක් නැති අතර මෙහෙයක් වෙන්නට තිබි අයද, අවස්ථාද අහිමි විය)

සිංහළ හා ද්‍රවිඩ වු මුලු මහත් සමාජ සංස්ථාවම වෛරයෙන් ක්‍රෝධයෙන් මංමුලාවෙන් සැබෑ ප්‍රශ්ණ අමතක කර ස්වප්නයෙන්ද වසා ගනිමින් පිළිකාවක් සේ පැතිර යන්නට ගත් වර්ගවාදී යුද්ධය ඔහු නොපැකිල ප්‍රතික්ෂෙප කලේය. (වර්ගවාදී යුද්ධයක් නැතැයි කවුරු කීවද මා එසේ සිතන්නේ නිදහස ලැබිමෙන් පසු අපිළිවෙලකාර දේශපාලනය තුලින් උග්‍ර වු ගැටුම් නිසා ප්‍රභාකරනුත් පීඩිත දෙමළ පිරිසකුත් සමඟින් නිදහස් දෙමළ(දැන් කෑදර සිංහළයනුත් සිටි) කොටි ඊළම නම් ත්‍රස්තවාදින් බිහි වු බව විශ්වාස කරන නිසාවෙනි. )
"මේ යුද්ධය නිසා හැකි හැම කෙනෙක්ම රටින් පැනලා යද්දී හමුදාවට බැඳිලා මරෙන්න එන්නේ කවුද? දෙමළ සිංහළ ගොවියන්ගේ, කම්කරුවන්ගේ, ධීවරයන්ගේ පුත්තු. ජිවත් වෙන්න වෙනත් රැකියාවක් හොය ගන්න අමාරු නිසාම සොල්දාදුවෝ හැටියට හමුදාවන්ට බැඳිලා මරෙන්නේ කවුද? සිංහල ගොවියන්ගේ, කම්කරුවන්ගේ,
ධීවරයන්ගේ පුත්තු" එදා මෙන්ම අදත් මෙය අදාල නොවේද?

යුද්ධය තුලින් දේශපාලකයන් මෙන්ම බොහෝ දෙනෙකුගේ (සියල්ලොම නොවේ) තුළ තිබෙන අමානුශ්‍ය සිතුවිලිත්, දේශපාලන නැටිල්ලි වංචාවන්ටත් මෙන්ම අදුර්දර්ශි බවටත් මෙය පහරක් නොවේද?

ජාතිකත්වයේ ව්‍යාජ සේද සළුපිළි වලින් සැරසී එකම ප්‍රශ්ණයෙන් මිරිකෙන නිර්ධනයින් දෙපසට වී කරගෙන යන යුද්ධයේ තේරුමක් නැතිබව ඔහු විස්තර කරමින් ජනප්‍රියත්වය දෙවැනිකොට යථාර්ථ ප්‍රශ්ණය කථා කිරිමට ඔහු පසුබට නොවිය.

"අපිට පේදුරුතුඩුවෙත් දෙවුන්දර තුඩුවේත් කියන්න තියෙන්නේ එකම දේශපාලයනයයි"

ඔහුට සැබෑ ප්‍රශ්ණය වුයේ ඕනෑම තැනකදී කථා කරන්නට පුළුවන් විමය, ඇත්තෙහි ක්‍රියා කිරිමට කල් යල් බැලීම ඔහු වැල්කී සිටියේය.

"විජේගේ අදහස හරි තමයි. ඒත් ඔව්වා මිනිස්සුට ටිකක් සැර වැඩි වෙයිද දන්නේ නෑ. අපි ඔවා ටිකක් හෙමින් තමයි දාන්න ඕනෑ." ඔහු වටේ සිටි පැරණි ප්‍රවීණයෝ මුමුණන්නට වුහ. වර්ගවාදයාටද ඒ හා බැදුණ යුද්ධයටද විරුද්ධ වීම දෙපැත්ත කැපෙන ආයුධයක් බවත්, ඒ නිසා සිංහළ සමාජය සමඟ යෑමේදිසත්‍යවාදය සැඟවීම යෝග්‍ය බව ඔවුහු තර්ක කලහ. "මේක බලාගෙන ඉන්න පුලුවන් වෙලාවකුත් නෙවෙයි. මේ මිනිස්සුගේ ජිවිත ගැන ප්‍රශ්ණයක්. අපි දන්නා සත්‍යය පුළුවන් විදියට මිනිස්සුන්ට තේරුම් කරලා දෙමු. විජයගේ අදහස විය. මේ අභ්යෝගය දිරවා ගත නො හැකිවු ප්‍රවීනයෝ ඔහුගෙන් ඈත් වෙද්දි රැඩිකල් නව නායකයන් පෙලක් ඔහු හා එක්විය. වර්ගවඩී යුද්ධයට එරෙහිව ජාතික සමඟිය වෙනුවෙන් ක්‍රියාකාරි ශක්තිමත් සිංහළ ජන ව්‍යාපාරයක් ගොඩ නගන්නට ඔවුහු සමත් වුහ.

යුද්ධයේ ආශ්චර්යජනක වීර කථා හා ඉතිහාසයෙන් ජාතියේ වංශකථා ආශ්‍රයෙන් සිංහල ජනයාගේ ලේ උණුකර (දැනුත් වුණ/වෙමින් පවතින) කුමන හෝ උප්පරවැට්ටියකින් රාජ්‍ය බලය ඩැහැගැනීමට මාන බලමින් සිටි හොරා පොලිස් කැලෑ ආණ්ඩුකරුවන්ට (හාස්‍යට තිබෙන්නේ එම පක්ෂය පෙර ටික කලකට කලින් වෙනතුරු ඊට ප්‍රතිවිරුද්ධව කෑ ගැසීමයි. ) මෙය තවදුරටත් ඉවසා දැරිය හැකි දෙයක් නොවිය. විජය ඉවර කරන්නට ඔවුන්ගේ උත්තරිතර මණ්ඩලය තීර්ණය කළහ.

විලියම් ශේක්සිපියර් "ජුලියස් සීසර්' ලියැද්දී අතිශයින් නිවර්ද්‍ය විය, සීසර්ට "ජය වේවා" යැයි කියු මිනිස්සු, සීසර් මරා දැමු පසු ඔහුගේ මිනිමැරුවෝ කැෂියස්ටත් ඒ ලෙසින්ම "ජය වේවා"යැයි කියමින් කෑ ගැසු ලෙසටම විජයට ආදර කළ ඔහු මරණය දැක අවංකම හෝ කිඹුල් කඳුළින් වැලපුනු බොහෝ මිනිස්සු නෝබෝ කලකින් විජය මරා දැමු හා බාධාකළ ව්‍යාපාරයන්ගේ වර්ගවාදී පෙලපාලි හා ක්‍රියාවලි වලට එක් විය. ඔහු සමඟ සිටි නියමුවෝ අද ආණ්ඩු හා විපක්ෂ තුලත් තවකුන් විදේශ රටවවලත් පැන ගියහ.පසු කාලයේ අවුල් ආණුවේ ක්‍රියාකලාපයන් මේ රට ආධාගයට ඇද දැමුහ.

ඔහු කළ දේශපාලනය ජනප්‍රිය වන්නක් නොවන අතර ඔහුගේ ජනප්‍රිය පෞරුෂය උපයෝගී කර ගනිමින් ජනප්‍රිය නොවන රැදුරු සත්‍යය හැකි පමණින් ජනයාට පෙන්වාපෑමට උත්සාහ කළා විය හැකිය.

"විජය මැරුවට අපිට කෙටිකාලීනව පාඩුවක් වෙයි. ඒත් බය වෙන්න එපා. සිංහළ මිනිස්සු බොහොම ඉක්මනට ඉතිහාසය අමතක කරනවා." විජය මරා දැමිමට තීන්දු ගත් මහා මණ්ඩල රැස්වීමේදී එක් නායකයෙකු දැරුවායැයි ප්‍රචලිත අදහසද නිවැරදි නොවෙන්නේ නොවේ.

සිංහළ සිනමාව තුළ බොහෝ කලක් සුපිරි නළුවාසේ වැජඹුණු ගාමිණි ෆොන්සේකාගේන් පසු එම ස්ථානය අත්කර ගත් නළුවා විජයයි. මාළු කඩේ, එළවළු පොළේ, නගරයේ පදික වේදිකාවේ, ගමේ කඩමණ්ඩියේ වීරය ඔහු විය. දහසක් තහංචි මැද විවිධාකාර ප්‍රේම ලෝකයන්හි මනෝමාලිගා තැනු තරුණියන්ගේ සිහින කුමරුද ඔහු විය. සිංහළ සිනමා වංශ කථාවේ එවැන් වු අවසන් සුරිපි නළුවා විජයයැයි කීම අතිශයෝක්ක්තියක් නොවේ. ඒ ඇයිදැයි වෙනම සාකච්ජා කිරිම මේ ලිපියේ අරමුණට බැහැර වුවෙකි. විජයගේ සිනමා ගමන් මග ගැන විස්තරයක් ලංකා-ඊ-නිව්ස් අඩවියෙන් කියැවිය හැකිය.

සිංහළ ජන‍යා හා සමඟ සංවාදයකින් තරව උතුරේ සංග්‍රාම භුමියේ තනි වු ද්‍රවිඩ ජනයා හමු වී ඔවුන් සමග කතිකාවක් ඇති කිරිමට විජය සමත් විය. ඉන්දියාවේ සිටි විවිධ ද්‍රවිඩ නායකයන් මුණ ගැසිමත් ඔවුන් සමගත් ජාතික ප්‍රශ්ණයට ස්ථිරසාර පිළිතුරක් ගොඩ නැගිමට ඔහු තැන් කළේය. ඔහුගේ මරණය සමඟම ඒ සියල්ල වාගේ මියැදි ගිය බව සැබෑවි. ඒ මහජන ව්‍යාපාරයද දියැවි ගියේය. ඒකීය ලංකාවක් වෙනුවෙන් වාර්ගික සහොදරත්වය උදෙසා සෑම දෙනාටම සමානත්වය රජ යන බුදු දහමේ සදහන් ලිජ්ජවි ධර්මයට අනාකුල රාජ්‍යක් ගැන අදහස් පවා අද දිනයේ ජනප්‍රිය නොවන විශ්වාස නො කරන වුළු වේදනාකාරී සත්‍යයි. මන්ද අපේ බොහෝ දෙනෙක්ගේ අන්ධ බලපොරොත්තුව යුද්ධය ජයගෙන භූමි අත්පත් කරගෙන දෙමළා මෙල්ල කරනතුරු නිසාවෙනි.

සාතන සංස්කෘතය අද ලංකාවේ සාමන්‍ය දෙයක් බවට පත් වී තිබෙයි. ලසන්ත වික්‍රමතුංග නම් පුවත්කලාවේදියෙකු ඊයේ පෙරේදාවක මරා දැමුවත් අද හෙට එය අමතක කර දමා අප කරබාගෙන ජිවිතයටමුහුණ දෙනු ඇත. (අපි මුහුණ දෙන අයුරුද ගෝචනීයය.) අනිද්දා හො ඉන් අනිද්දා තවකෙකු මෙසේම කවුරු හෝ මරා දමනු ඇත. මොහොතක් විශ්මිත වන අප නැවත නිසොල්මනේ අපෙ ගමන යන්නෙමු. ඉඳින් මා කලින් දිනෙක මෙම වියමනේම කියු ලෙසටම යුද්ධයේ නාමයෙන් ලේ නහර තිබෙන මිනිස්සුන් මියැදිම හා අබාධිත විම මිස කුමක් වෙන්නද?

වාර්ගික යුද්ධයේ තීර්ණාත්මක ජයග්‍රාහී ස්ථානයක මේ මොහොතේ අපේ රට ලංකාව සිටි නමුත් "ලංකාව මේ යුද්ධය දිනයි, නමුත් මේ අරගලය දිනන්න අමාරුවෙයි" කිව් ඉන්දියානු දේශපාලනඥයෙකුගේ ප්‍රකාශණය අපි බැරෑරුම් ලෙසින් සැලකුවද අමතක කර දැමුවාක්මෙනි. මේ අරගලයේ සමථ කිරිම උදෙසා අප රටට අසාමාන්‍ය වු නායකයෙක් අවශ්‍ය බව මගේ අදහසයි. එනම් ද්‍රවිඩ ජනයාගේ ආදරය දිනා ගත හැකි අවංක නිහතමානී සිංහල නායකයෙකු අපට අවශ්‍ය වෙයි. විජය ඒකල සිටි එවැනි නායයකු විය හැකිය. (එලෙසින් 'හැකිය' කිව්වේ ඔහු එකම කෙනායැයි කීමට මා ජිවත් නොවු නිසවෙනි). ඔහු නැති තැන ශ්‍රි ලාකේය දේශපාලන කරලියේ හිස්තැන් පවතින්නේ ඒ නිසා විය හැක.


ඉතිහාසයේ අපිට වැරදුණු තැන් (අපි දැන් දන්නා විශ්වාසය කරන ඉතිහාසයට වඩා සැගවුණු පැති ඇති බව මගේ විශ්වාසයයි.) සමඟින් බ්‍රිතාන්‍යයන්ගෙන් නිදහස ලැබු අපි අපේ දේශපාලනයේ තුලින් වුණු වැරදි තුලින් පැතුරුණු සිංහළයාගේ හා ද්‍රවිඩ* අර්බුදයේ විසදුම උදෙසා අනාගතයේ හෝ දියසෙන් කුමාරයෙකු නැගිය යුතු කතිකාවතේ විජයන්ගේ මානවාදී අදහස්ද වැදගත් වනු ඇති බව මගේ මතයයි. විජය කුමාරතුරංග මහතාණෙනි මානවවාදී වු ඔබගේ නාමය මීට වඩා යහපත් වු යම් දිනෙකමිනිසුන් ඔබ සිහිපත් කරණු ඇති.
( *නමුත් එම සිංහළයාගේ හා ද්‍රවිඩ අර්බුදය මුලින්ම සුළුවෙන් සිට දරුණු වුයේ ශ්‍රි වික්‍රම රාජසිංහා සමයේය, එයත් අපේ නිදහස නැති විමේ ප්‍රධාන හේතුවකි.)


ImageHost.org
ජායාරූපය: සිංහලයා අඩවියෙනි.

Comments (5)

Anonymous

12:51 AM, February 17, 2009

ද්‍රවිඩ ජනයාගේ ආදරය දිනා ගත හැකි අවංක නිහතමානී සිංහල නායකයෙකු අපට අවශ්‍ය වෙයි
Totally agree

malee_msg

8:01 PM, February 17, 2009

මල්ලි මම ඔයාගෙන් මේ වගේ ලිපියක් කියවන්න හිතුවේ නෑ.. නමුත් නියමයි..! මම සිංහල සිනමාවේ කැමති නළුවන් දෙතුන් දෙනා අතරින් විජය කුමාරතුංග කියන්නේ අංක 1. ඒ වගේ නළුවෙක්,නායකයෙක් අහිමි වීම අපේ රටට පාඩුවක්!

෴ßÎŋЌυ෴

3:32 PM, February 18, 2009

යුද්ධයට වස්තුබීජ වු අපේ ආකල්ප තවත් තැනක කියැවිය හැක:

Ranil Gunasekara

8:31 PM, February 21, 2009

විජය මමත් කැමති දේශප්රේමියෙක්. ඒත් මල්ලි සියයට සීයක්ම ඇගිල්ල දික් කරලා තියන සමහර තැන් මම හරියටම දන්නේ නැති ඒවා...මම ඒකට හේතුවක් විදිහට මට පේන්නෙ ඔයාට දැනෙන වේදනාව මට වඩා වැඩි ඇති...(මේක “පවන” සින්දුවක් )..

රජෙකුගෙ වුවත් වරදට කෑ මොර ගසනූ…
මොර දෙන මුවේ ලන මී පැණි ඉවතලනූ…
නිවැරදි කරනු බැරි රජු නෙරපා හරිනූ…
වරදට කිපෙනු සටනට වැද ජය ලබනූ…

-බිன்ku-

8:30 AM, March 26, 2009

අදහස් දැක්වු සියල්ලන්ටම තුති.

Post a Comment

සිංහලෙන් යතුරු කිරිම සඳහා යුනිකේත එසැණින් පරිවර්තකය හෝ සිංග්‍රීසි පරිවර්තකය යොදා ගත හැකිය.